८ वैशाख, काठमाडाैँ । नेपाली राष्ट्रिय क्रिकेट टोलीका पूर्वकप्तान सन्दीप लामिछानेले विश्व रेकर्ड बनाएका छन् । शुक्रबार एकदिवसीय अन्तर्राष्ट्रिय क्रिकेटमा सबैभन्दा छिटो १०० विकेट पूरा गर्ने कीर्तिमान बनाएका हुन् ।

सन्दीपले एसीसी प्रिमियर कपमा ओमानका आदिल सफिकलाई एलबिडब्लूको धरापमा गर्दै १०० विकेटको कोसेढुंगा पार गरे । सन्दीपले जम्मा ४२ खेल खेल्दै उक्त रेकर्ड आफ्नो नाममा लेखाएका हुन् ।

यो रेकर्ड बनाउँदा सन्दीपले अफगानिस्ताका स्पिनर रसिद खानलाई पछि पारेका छन् । खानले ४४ खेलमा १०० विकेट लिएका थिए ।