८ वैशाख, तनहुँ । तनहुँमा राष्ट्रिय स्वतन्त्र पार्टीका नेता स्वर्णीम वाग्लेका बुबा चढ्ने गाडी तोडफोड गरिएको छ। गएराती करीब १ बजेतिर जीवनराम वाग्ले चढ्ने गाडी तोडफोड गरिएको हो ।

नगरपालिका–३ दमौली स्थित सन्तोष होटल अगाडि राखिएको बा ११ च ४२५० नम्बरको मारूती गाडी तोडफोड भएको तनहुँ प्रहरीले पुष्टि गरेको छ ।

प्रहरीले घटनामा सम्लग्न व्यक्तिहरूको सिसिटिभी फुटेज जाँच गर्दै खोजी गरिरहेको जानकारी दिएको छ ।

स्वर्णीम वाग्ले बैशाख १० मा तनहुँ १ मा हुने उपनिर्वाचनका उम्मेद्वार हुन् ।