२ वैशाख, काठमाडाैँ । काठमाडाैँको बालुवाटारमा गोली चलेको छ । उक्त गोली लागेर माओवादी केन्द्रका नेता वर्षमान पुन ‘अनन्त’की आमा घाइते भएको बताइएको छ ।

गएराती बालुवाटार स्थित निवासमा प्रहरी सहायक हवलदार प्रकाश पुन मगरले गोली प्रहार गरेका हुन् । उनी वर्षमानका नातेदार समेत रहेको बताइएको छ ।

गए राति १० बजेतिर गोली चलाएका प्रकाश पुनलाई प्रहरीले नियन्त्रणमा लिएको छ । घटनाबारे उपत्यका अपराध अनुसन्धान कार्यालयले अनुसन्धान सुरू गरेको छ ।

खुट्टामा गोली लागेर घाइते भएकी वर्षमान पुनकी आमाको ट्रमा सेन्टरमा उपचार भइरहेको छ ।