२९ चैत्र, काठमाडाैँ । कलाकार दीपकराज गिरीले चलचित्र विकास बोर्डको अध्यक्ष भुवन केसी भएदेखि फिल्म क्षेत्रमा लफडा सुरू भएको टिप्पणी गरेका छन् । उनले सामाजिक सञ्जालमा लेख्दै उक्त टिप्पणी गरेका हुन् ।

बोर्डले २०७९ सालमा फिल्महरूले गरेको व्यापारको तथ्याङ्क सार्वजनिक गरेको थियो । उक्त तथ्याङ्कमा बोर्डले आफ्नो फिल्मको बक्स अफिस रिपोर्ट गलत सार्वजनिक गरेको भन्दै उनले आक्रोश व्यक्त गरेका छन् ।

चलचित्र विकास बोर्डले हाम्रो फिल्मको कमाइको गलत रिपोर्ट सार्वजनिक गरेको छ । यो अध्यक्ष आएपछि जताततै लफडै लफडा छ हाम्रो क्षेत्रमा.. ।’ उनले लेखेका छन् ।

बोर्डले सार्वजनिक गरेको रिपोर्ट १६ करोड ९४ लाख ३४ हजार ६ सय ३४ रुपैयाँ कमाएको उल्लेख छ । यो फिल्मले अहिलेसम्म ६ लाख ८ हजार ४०२ टिकेट बिक्री गरेको छ ।