२८ चैत्र, काठमाडाैँ । राष्ट्रिय स्वतन्त्र पार्टीको अनुशासन कमिटिले पार्टीबाट निलम्बित सांसद ढाका कुमार श्रेष्ठसँग बयान लिएको छ । सोमबार  श्रेष्ठले स्पष्टीकरण बुझाएसँगै मंगलबार उनको बयान लिइएको हो ।

बयानका क्रममा श्रेष्ठले मेडिकल व्यवसायी दुर्गा प्रसाईसँग २ करोड रूपैयाँ मागेको अडियो आफ्नो नभएको दाबी गरेका छन् । आइतबार उनले व्यवसायी प्रसाईसँग मन्त्री बन्न भन्दै २ करोड मागेको अडियो सार्वजनिक भएको थियो ।

उक्त अडियो सार्वजनिक भएसँगै श्रेष्ठ पार्टीबाट निलम्बनमा परेका थिए ।

उनको बयान र स्पष्टीकरणका अनुसार रिपोर्ट तयार पारेर बुझाएपछि केन्द्रीय कमिटीले थप निर्णय गर्ने बताइएको छ ।