२८ चैत्र, एजेन्सी । बलिउड सुरस्टार सलमान खानलाई ज्यान मार्ने धम्की आएको छ । सलमान खानलाई पछिल्लो पटक सोमबार ज्यान मार्ने धम्की आएको जनाइएको छ ।

एक व्यक्तिले मुम्बई पुलिसलाई फोन गरेर सलमान खानको ज्यान मार्ने धम्की दिएको भारतीय मिडियाले उल्लेख गरेका छन् ।

ती फोन गर्ने व्यक्तिले आफ्नो नाम रकी भएको बताएका छन् । उनले आफ्नो ठेगाना राजस्थानको जोधपुर भएको समेत बताएका छन् ।

यसअघि पनि सलमान खानलाई बारम्बार ज्यान मार्ने धम्की आइरहने गरेको छ । बारम्बारको धम्कीपछि उनले एक बुलेटप्रुफ गाडी समेत खरिद गरेका छन् ।