२१ चैत्र, काठमाडाैँ । चितवनमा अलपत्र परेको गौतमबुद्ध क्रिकेट रंगशालाको निर्माण प्रक्रिया अब सरकारले बढाउने भएको छ । सोमबार बसेको मन्त्रिपरिषद्को बैठकले उक्त रंगशालाको स्वामित्व सरकारले लिने र निर्माण प्रक्रिया अघि बढाउने निर्णय गरेको हो ।

युवा तथा खेलकुद मन्त्रालयमार्फत रंगशाला निर्माणको काम अघि बढ्ने भएको छ । निर्माण सकिएपछि रंगशाला भरतपुर महानगरलाई हस्तान्तरण गरिने छ ।

सरकारले हालसम्मको हिसाबकिताब मिलानका लागि भरतपुर महानगरपालिकालाई १२ करोड रुपैयाँ पनि दिने भएको छ ।

धुर्मुस-सुन्तली फाउन्डेसनले निर्माण सुरू गरेको उक्त रंगशाला अहिले अलपत्र परेको छ । निर्माणका क्रममा सामग्री खरिद गरेको १७ करोड रूपैयाँ भुक्तानी गर्न समेत बाँकी रहेको छ ।