२० चैत्र, काठमाडाैँ । राष्ट्रिय स्वतन्त्र पार्टीका सभापति रवि  लामिछाने विरूद्ध सर्वोच्च अदालतमा रिट परेको छ ।

अमेरिकी नागरिक नै रहेको अवस्था नेपालको राहदानी लिएको विषयमा राष्ट्रिय स्वतन्त्र पार्टीका सभापति रवि लामिछानेविरुद्ध रिट दर्ता भएको हो ।

आइतबार युवराज पौडेल ‘सफल’ले लिएर गएको रिट मुख्य रजिस्ट्रारले अध्ययन गरेपछि सोमबार दर्ता भएको हो । मंगलबारका लागि उक्त रिटको पेशी तोकिएको छ ।

अमेरिकी नागरिक नै रहेको अवस्था नेपालको राहदानी लिएको विषयमा लामिछाने उपर कानुन बमोजिम छानबिन गरी मुद्दा दायर गर्नु भन्दै विपक्षीहरूका नाममा परमादेश जारी गर्नुपर्ने रिटमा माग गरिएको छ ।

उता लामिछानेले भने आज नै चितवन-२ बाट उपनिर्वाचनका लागि उम्मेदवारी दर्ता गरेका छन् । गत मंसिरमा पनि सोही क्षेत्रबाट निर्वाचित भएका लामिछाने नागरिकता सम्बन्धि मुद्दामा दोषी ठहर भएपछि सांसदबाट बर्खास्त भएका थिए।