वासिङ्टन । अमेरिकी पूर्व प्रथम महिला मिसेल ओबामाकी आमा मारियन रोबिन्सनको ८६ वर्षको उमेरमा निधन भएको छ । पूर्व राष्ट्रपति बाराक ओबामाकी पत्नी मिसेल ओबामाले आफ्नी आमा रबिन्सनको शुक्रबार बिहान मृत्यु भएको जानकारी दिएकी हुन् ।

ओबामा प्रशासनको आठ वर्षको अवधिमा सन् २००९ र २०१७ को बिचमा रोबिन्सन ह्वाइट हाउसमा चर्चित थिइन्। उनले धेरै समय आफ्ना दुई नातिनी अर्थात् मिसेल र बाराक ओबामाकी छोरी मालिया र साशाको हेरचाहमा बिताइन्।

सामाजिक सञ्जाल एक्समा पोस्ट गरिएको एक बयानमा, मिसेल ओबामाले रोबिन्सनलाई ‘चट्टान’को संज्ञा दिँदै आफूलाई जे चाहिन्छ त्यसको लागि सधैँ त्यहाँ उपस्थित भएको उल्लेख गरेकी छन् । ‘आज उहाँको निधन भएको कुरा साझा गर्दा हामी दुःखी छौँ,’ उनले लेखिन्।

एक अलग ट्वीटमा, बाराक ओबामाले भनेका छन्, ‘यहाँ एक मात्र मारियन रोबिन्सन थिइन् र रहनेछिन्।’सन् १९३७ मा जन्मिएकी रोबिन्सनको मृत्युको कारणबारे थप विवरण भने दिइएको छैन ।