काठमाडौं । नेपाल बिद्यार्थी संघले आफ़्नो ५५ औं स्थापना दिवसको सु-अवसरमा देश भर ७५३ वटै पालिकामा १७ बुद्दे ज्ञापनपत्र बुझाएको छ।

” निःशूल्क र गुणस्तरिय शिक्षाका ” पक्षमा स्थानिय सरकारको ध्यानाकर्षण गराउने क्रम अन्तर्गत ललितपुर महानगपालिकामा नगर प्रमुख चिरी बाबु महर्जनलाई नेविसंघका प्रतिनिधिका रूपमा गएका केन्द्रीय सदस्य उज्ज्वल बज़्राचार्य र सुमित्रा घिमिरेले कार्यकक्षमा भेटी केन्द्रीय समितिको तर्फ़बाट ज्ञापनपत्र बुझाएका थिए ।

कार्यक्रममा ने बि संघ ललितपुरका अध्यक्ष सरोज घोरासैनी लगायत जिल्ला कार्यसमिति र बिभिन्न क्यामपसका संघका नेताहरुको पनि उपस्थिति रहेको थियो ।सो कार्यक्रममा भर्ना भैसकेका बिद्यार्थीलाई पुन भर्नामा शुल्क नलिन र बिद्यालय र क्याम्पसमा भएको एकल किताब र पोसाक किन्ने सिण्डिकेट् बिरुद्ध केन्द्रीय सदस्य उज्ज्वल बज़्राचार्यले नगरप्रमुखलाई बिशेष ध्यान आकर्षण गराएका थिए ।