विश्व प्रसिद्ध अभिनेता ज्याकी चानलाई पत्रकारले प्रश्न गरे, ‘के तपाई आफ्नो जीवनप्रति सन्तुष्ट हुनुहुन्छ ?’ । यसको जवाफमा उनले निकै मिठो जवाफ दिए —”थाहा छ, मैले एकपटक निकै विवेकपूर्ण कुरा सुनेको थिए;तिमीले गाह्रो भन्ने काम, बेरोजगारको निम्ति सपना हुनसक्छ ।

तिमीले केही गर्न नसकेको भन्ने सन्तान कोही बच्चा नहुनेको लागि सपना हुनसक्छ ।तिम्रो चुहिने छानो घरै नहुनेको लागि सपना हुनसक्छ । तिम्रो थोरै बचत ऋणमा डुबेकोको लागि सपना हुनसक्छ ।

अस्वस्थ भईरहने तिम्रो शरीर दीर्घ रोगी र शारीरिक रूपमा अशक्तको लागि सपना हुनसक्छ । तिमीले खाने सामान्य खाना, वा सामान्य सुताई युद्धमा होमिएका व्यक्तिको लागि सपना हुनसक्छ ।
यसैले जीवनमा जे मिलेको छ, त्यो प्रति कृतज्ञ हुन सक्नुपर्छ । भोली, के हुन्छ, कुन अवस्थामा भइन्छ कसलाई थाहा हुन्छ र ?”