रुपन्देही । संवाद यात्राबारे कांग्रेस महामन्त्री  गगन थापाः संवाद यात्राका क्रममा रुपन्देहीमा; रोहिणी गाउँपालिका धकधईमा खुला संवाद,भैरहवामा उद्योग व्यवसायी संवाद, लुम्बिनी बौद्ध विश्वविद्यालयमा शिक्षा संवाद र मायादेवी गाउँपालिकामा स्थानीय तहका कर्मचारीसंग संवाद गर्यौं। सिद्धार्थनगर,मायादेवी र लुम्बिनी सांस्कृतिक भैसैयामा पार्टीका साथीहरूसंग अन्तरक्रिया र छलफल गर्यौं। उद्योगी व्यवसायी साथीहरुको कुरा सुन्दा लाग्यो,उहाँहरुले आत्मविश्वास गुमाइराख्नु भएको छ।

गौतम वुद्ध अन्तर्राष्ट्रिय विमानस्थलको संचालन लगायत व्यवसायसंग जोडिएका थुप्रै विषयमा कुरा उठाउनु भएको छ। कर्मचारी साथीहरूले निजामति ऐन लगायत कर्मचारी व्यबस्थापन र वृत्ति विकासका कुरा उठाउनु भएको छ। केही नीतिगत,केही कानूनी र केही कार्यान्वयनमा समस्या छन् ।तत् तत् निकायमा समाधानका लागि मेरो सतत् पहलकदमी रहनेछ ।