काठमाडाैं । सर्लाही प्रहरीले २ जना भारतीय डाँकाहरुलाई अमेरिकन पेस्तोल र सोको ६ राउण्ड गोलि सहित पक्राउ गरेको छ । विषेश सुचनाको आधारमा जिल्ला सर्लाही बरहथवा ६ मगर टोल स्थितमा इ.प्र.का. बरहथवा सर्लाही बाट खटिएको प्रहरी टोली र जिल्ला प्रहरी कार्यालय सर्लाहीबाट सादा पोशाकमा खटिएको संयुक्त टोलीले पक्राउ गरेकाे हाे ।

भारत बिहार प्रदेश जिल्ला सितामढी थाना सैयारा ग्राम सैयाराका सन्नी कुमार सिंह र ऐ मोतिहारी गंगापिपरा बस्ने अशोक राउतको छोरा अं. वर्ष २४ को जितेन्द्र कुमार राउतको डेरामा शंका लागि चेक जाँच गर्दा जितेन्द्र कुमार राउतले आफ्नो साथमा रहेको 9mm Auto Pistol made in USA लेखेको पेस्तोलबाट १ (एक) राउण्ड गोली फायर गरेको, निजहरु सहित 9mm Auto Pistol made in USA थान १ (एक), म्याग्जिन थान १ (एक), ली-६ राउण्ड र फायर भएको खोका थान १ सहित नियन्त्रणमा लिएकाे हाे ।