गर्मी मौसममा शरिर आलस्य हुनु अल्छि लाग्नु स्वभाविक हो । तर कतिपयमा यो आलस्यता र अल्छिपना काममा पनि देखाउने बानि हुन्छ । उनीहरु तत्कालै गर्नु पर्ने कुनै काम नगरेर पछिका लागि टार्ने गर्छन् । जो बिस्तारै बानी बनिदिन्छ । यसैले मानिसलाई अल्छे बनाउँछ ।

अल्छे मानिसले जीवनमा कहिल्यै सफलता पाउँदैन । यस्तो मानिस बढि निराशावादी हुन्छन् । यहाँ केही उपाय छन् जसले आलस्य र अल्छिपन हटाउन सक्छ ।

– छोटो विश्राम लामो समयसम्म बसेर गर्ने काम छ भने केही समयको अन्तरालमा छोटाछोटा विश्राम लिनु पर्दछ । हरेक ४५ मिनेट वा १ घण्टाको काम पछि पाँच मिनेट विश्राम लिनु उपयुक्त मानिन्छ । यसले पनि अल्छी लाग्ने बानी हट्छ ।

– काममा हुदाँ मोबाइल साइलेन्ट आजकल धेरै मानिस सामाजिक सञ्जालमा घण्टौं बिताउँछन् । उनीहरुमा कामको समयमा पनि घरिघरि मोबाइल हेर्ने बानी हुन्छ । यसले काममा त बाधा पुग्छ नै मानिस पनि अल्छि हुदैँ जान्छ । त्यसैले काम गर्दा मोबाइल साइलेन्टमा राख्ने वा सामाजिक सञ्जाल बन्द गर्न पर्दछ ।

– हिड्ने बानी लगाउने धेरै मानिस बिहान उठेर हिड्न अल्छि मान्छन् । तर अल्छे स्वभाव हटाउन यो बानी बसाउन आवश्यक छ । बिहान उठेर हिड्दा स्वास्थ्यमा पनि लाभ गर्छ । यदि दौडिन अल्छी लाग्छ भने बिस्तारै हिड्ने र क्रमशः दौडिने बानी लगाए आलस्य भाग्छ । एजेन्सी