काठमाडौं । सगरमाथा आरोहण गर्न जाने आरोहीहरुमा वसन्त ऋतु (चैत,बैशाख) देखि विद्युतीय चिप्स जडान गरिने भएको छ ।

पर्यटन विभागका निर्देशक राकेश गुरुङका अनुसार अब सगरमाथा आरोहण गर्न जाँदा हरेक आरोहीले सरकारले उपलब्ध गराउने चिप्स लैजानैपर्ने हुन्छ । आरोहीहरुको हिमाल आरोहण गर्दा लगाइने ज्याकेटमा यो चिप्स जडान गरिएको हुन्छ ।

यसरी चिप्स जडान गर्दा आरोहणलाई सुरक्षित बनाउन सकिने, आपतकालिन अवस्थामा खोजी र उद्दार गर्न सहज हुने विभागको विश्वास छ । अन्तर्राष्ट्रिय बजारमा परीक्षण गरी गुणस्तरयुक्त चिप्सहरु मात्रै प्रयोग गरिने छ ।