काठमाडौं। आज नेपाली बजारमा सुनको मूल्य फेरी घटेको छ ।

हिजो बिहीवार एक हजार तीन सय रुपैयाँले बढेर तोलाको एक लाख २२ हजार रुपैयाँ कारोबार भएको सुनको मूल्य आज तोलामा एक हजार तीन सय रुपैयाँले घटेर एक लाख २० हजार सात सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

त्यस्तै, आज चाँदीको मूल्य पनि घटेको छ भने ३५ रुपैयाँले घटेर चाँदी आज तोलाको एक हजार चार सय ५५ रुपैयाँ तोकिएको महासङ्घले जनाएको छ ।

हिजो चाँदीको मूल्य १५ रुपैयाँले बढेर एक हजार चार सय ९० रुपैयाँमा कारोबार भएको थियो ।