काठमाडौं। केपी ओली कप टी-२० राष्ट्रिय क्रिकेट प्रतियोगिताको उपाधि जित्नका लागि त्रिभुवन आर्मी क्लबले १ सय ३६ रनको लक्ष्य पाएको छ ।

त्यस्तै, पोखरा रङ्गशालास्थित क्रिकेट मैदानमा टस जितेर पहिला ब्याटिङ गरेको मधेसले निर्धारित २० ओभरमा ८ विकेट गुमाउँदै १ सय ३५ रन बनायो । मधेसका विशाल पटेलले सर्वाधिक ४९ रनमा अविजित रहे भने उनले ३२ बलमा ३ चौका, ३ छक्का प्रहार गरे ।

बलिङतर्फ आर्मीका साहब आलम र विवेक यादवले सर्वाधिक ३/३ विकेट लिएका थिए भने सोमपाल कामी र बसिर अहमदले १–१ विकेट लिए । त्यस्तै, कप्तान हरिशंकर शाहले २७, अनिल शाह ६, इम्रान शेखले ८, पवन सराफले ९, हिमांशु दत्तले १४, विशाल सुस्लिङले १०, प्रदीप पासवानले ४, मायन यादवले ३ रन बनाएर आउट भए ।

त्यसैगरी, अहिले आर्मीले जवाफी ब्याटिङ गरिरहेको छ ।