काठमाडौं । क्रिकेटर सन्दीप लामिछानेले त्रिकोणात्मक टी-२० श्रृंखला नखेल्ने भएका छन् । उनले आफ्नो जीवनको कठिन र चुनौतीपूर्ण समयबाट गुज्रिरहेको हुदा प्रतियोगिता नखेल्ने निर्णय लिइ भारी मनका साथ टिमबाट आफ्नो नाम फिर्ता लिएको सामाजिक सञ्जालमा मार्फत बताएका छन् । उनले अहिलेसम्म पाएको आशीर्वाद र शुभकामनाका लागि धन्यवाद समेत दिएका छन् ।
नेपाल क्रिकेट संघ क्यानले नेपाल, यूएई र हङकङ सम्मिलित त्रिकोणात्मक सिरिज आयोजना गरेको छ, जसका खेलहरु १ कात्तिकदेखि १० गतेसम्म हुनेछन् ।