काठमाडौंः नेपाल विद्यार्थी संघले पेट्रोलियम पदार्थको मूल्यवृद्धि फिर्ता गर्न माग गरेको छ । अध्यक्ष दुजाङ शेर्पाले विज्ञप्ति जारी गरी यस्तो चाडपर्वहरू नजिकिएको समयमा नेपाल आयल निगमद्वारा गरिएको पेट्रोलियम पदार्थको मूल्य वृद्धिले गम्भिर ध्यानाकर्षण भन्दै यस्तो माग गरेका हुन् । उनले २४ घण्टा खारेज नगरे कडा प्रतिवादको चेतावनी दिएका छनु ।

‘खाना पकाउने ग्याससंगै डिजेल, पेट्रोल र मट्टीतेलको भाउको अस्वभाविक मूल्य वृद्धि नेपाली जनताको ढाड सेक्ने गरी कोही कसैबाट पनि भएका निर्णय हामीलाई मान्य हुने छैन । विश्वव्यापी आर्थिक मन्दीको चेपुवामा निम्न आयमा गुजारा गर्नुपर्ने बाध्यतामा बसिरहेका नेपाली जनतालाई राहत महसुस हुने गरी कार्य गर्ने समय हो । त्यसैले सरकारले हस्तक्षेप गरी तत्काल आयल निगमले गरेको मूल्यवृद्धि खारेज गर्न जोडदार माग गर्दछ,’वज्ञप्तिमा भनिएको छ,’कर पुर्नविचार गर्न, अनावश्यक करहरु हटाउन र पेट्रोलियम पदार्थमा गरिएको मूल्यवृद्धि २४ घण्टा मित्र खारेज गरियोस् अन्यथा ने वि संघ कडा प्रतिवाद गर्न बाध्य हुनेछ ।’