२१ भदाै, काठमाडाैँ । राष्ट्रिय प्रजातन्त्र पार्टीका सांसद् एवं महामन्त्री धवलशमशेर राणाले कांग्रेस सहमहामन्त्री महेन्द्र यादवमाथि आक्रमण गर्ने व्यक्तिसँग पार्टीको कुनै सम्बन्ध नरहेको प्रष्ट पारेका छन् ।

बिहीबार प्रतिनिधिसभा बैठकमा बोल्दै उनले बुधबार भएको यादवमाथिको आक्रमणमा संलग्न व्यक्ति राप्रपासँगै कुनै हिसाबले सम्बन्धित नरहेको बताए ।

उनले भनेका छन्, ‘आक्रमणपछि उनले राजसंस्था र हिन्दु राष्ट्रको पक्षमा र एमसीसीको विरुद्धमा नारा लगाए । महेन्द्रजीले बोल्दा पनि उहाँले विरोध जनाइराख्नुभएको थियो । त्यो घटनाप्रति दुःख व्यक्त गर्छौँ । त्यो व्यक्ति हाम्रो पार्टीमा कुनै पनि हिसाबले संलग्न थिएनन् । राष्ट्रिय प्रजातन्त्र पार्टी हिंसाको राजनीतिमा न विश्वास गरेको थ्यो न त आउने दिनमा गर्छ । यो विषय प्रस्ट होस् ।’