१५ भदाै, काठमाडाैँ । प्रधानमन्त्री पुष्पकमल दाहाल प्रचण्डले बर्खा सकिएपछि लाखाैँ जनता सडकमा उतार्ने बताएका छन् ।

बिहीबार सुर्खेतको एक कार्यक्रममा सम्बोभन गर्ने प्रधानमन्त्री प्रचण्डले राष्ट्रिय सहमति, एकता र भ्रष्टारविरोधको अभियानमा लाखाैँ जनता सडकमा उतार्ने बताएका हुन् ।

उक्त कार्यक्रममा बोल्दै प्रचण्डले भनेका छन्, ‘अहिले सात वटै प्रदेशमा कार्यकर्ता लेभलमा यस्ता घोषणा गरेका  छाैँ । हाम्रो सपना के छ, नेताहरूको भने अब केही समयपछि, बर्खा सिद्धिएपछि लाखाैँ जनतालाई सडकमा ल्याएर राष्ट्रियताको पक्षमा, जनजीविकाको पक्षमा, सामाजिक न्यायका पक्षमा, भ्रष्टाचारका विरूद्धमा जगैदेखि हल्लाइदिनुपर्ने हुन्छ ।’

प्रचण्डले भ्रष्टाचार अन्त्यका लागि सरकारको मात्रै एकल प्रयास सफल नहुने भन्दै जनता पनि जाग्नुपर्ने समेत बताएका  छन् ।