८ भदाै, धरान । धरान उपमहानगरपालिकाका प्रमुख हर्क साम्पाङलाई व्यक्तिको जग्गामा जबरजस्ती प्रवेश नगर्न र धरपकड नगर्न उच्च अदालत विराटनगरले अन्तरिम आदेश दिएकाे छ ।

शुक्रबार न्यायाधीश दिनेशप्रसाद यादवको इजलासले निषेधाज्ञा जारी गर्दै व्यक्तिको जग्गामा प्रवेश नगर्न, थुनामा नराख्न र धरपकड नगर्न अन्तरिम आदेश दिएको हाे ।

साम्पाङविरूद्ध रोशन अधिकारी र रोजिना अधिकारीले आफ्नाे जमिनमा प्रवेश गरेर धरपकड गरेकाे भन्दै रिट दायर गरेका थिए । मेयर साम्पाङले धरान ४ स्थित छोटी मोरङ डाँडामा अधिकारीको व्यक्तिगत जग्गामा वृक्षारोपण गरेका थिए ।

गत सोमबार सोही जग्गामा मेयर साम्पाङ पुग्दा ठूलो विवाद भएको थियो । सो विवादको भिडियो सामाजिक सञ्जालमा भाइरल छ ।