३१ ,श्रावण ,काठमाडौँ । नेपाली कांग्रेसको भातृ संस्था नेपाल विद्यार्थी संघको कार्य समितिले पूर्णता पाएको छ। नेपाली कांग्रेसका सभापति शेर बहादुर देउवाले दुजाङ शेर्पाको अध्यक्षतामा ७११ सदस्यीय केन्द्रीय समिती गठन गरेका छ्न ।

जसमा १० जना डाक्टर, २७ जना इन्जिनियर, अधिवक्ता, सि.ए. र विभिन्न विश्वविद्यालय र ख्याति प्राप्त अन्तर्राष्ट्रिय विश्वविद्यालयमा अध्ययनरत विद्यार्थीहरु समेत मनोनीत भएका छ्न । यसका साथै रास्वपाका सांसद सोविता गौतमलाई आयोनको अध्यक्षमा पराजित गर्ने विकल राई समेत मनोनित भएका छन्। नेपाल युवा संस्था संजाल (आयोन) देशैभरिका युवा संस्था हरुको छाता सगठन हो ।

लामो समय महाधिवेशन हुन नसकेको नेविसंघको केन्द्रीय समितिमा विभिन्न क्षेत्रका विज्ञ र तेजाबी विद्यार्थीहरुले समेत स्थान प्राप्त गरेका छन्। समयानुकूल राजनीतिलाई गतिशील ढंगले विश्व बजारमा प्रतिष्पर्धा गर्न सक्ने संगठन निर्माणको लागि सबै क्षेत्रको साथीहरुलाई समेटेर ठूलो समिति गठन गरेको अध्यक्ष शेर्पाले बताए।