३० श्रावण, काठमाडाैँ । हङकङबाट तस्करी भएर नेपाल भित्र्याइएको सुन नेपाल राष्ट्र बैंकले किन्ने भएको छ ।

गालिएपछि आएको ६० किलो ७१६ ग्राम सुन नेपाल राष्ट्र बैंकले खरिद गर्ने निर्देशक थानेश्वर आचार्यले जानकारी दिएका छन् । उनले सरकारले बाँकी प्रक्रिया गरेपछि गुणस्तर परीक्षण गरेर  बैंकले खरिद गर्नेछ ।

उनले उक्त सुन गुणस्तर अनुसार अन्तर्राष्ट्रिय मूल्यमा पाँच प्रतिशत थपेर खरिद गरिने भएको हो ।

गत श्रावण ३ गते हङकङबाट अवैध तरिकाले मोटरसाइकलको ब्रेक शुमा लुकाएर ल्यायएको सुन भन्सार पास गरेर निस्किएपछि सिनामङ्गलबाट बरामद गरिएको थियो ।

नेपाल राष्ट्र बैंकको टक्सार महाशाखाले गाल्दा उक्त सुनको परिमाण ६० किलो ७१६ ग्राम रहेको छ । सुरूमा यो सुन एक क्विन्टल भएको बताइएको थियो ।