२९ श्रावण, काठमाडाैँ । नेकपा एकीकृत समाजवादीका अध्यक्ष माधव कुमार नेपाल स्वदेश फर्किएका छन् । युरोप भ्रमणमा रहेको नेपाल सोमबार बिहान त्रिभुवन अन्तर्राष्ट्रिय विमानस्थलमा अवतरण गरेका हुन् ।

श्रावण २२ गते अध्यक्ष नेपाल स्विजरल्याण्ड, स्पेन क्रोएसिया र बेलायतका देशको भ्रमणका लागि गर्का थिए । प्रवासी नेपाली एकता मञ्च युरोपले आयोजना गर्ने कार्यक्रममा सहभागी भएर नेता नेपाल भदौ १ गते स्वदेश फर्कने कार्यक्रम थियो ।

तर, उनी भ्रमण छोट्याएर स्वदेश फर्किएका हुन् ।

ललिता निवास प्रकरणमा पूर्वप्रधानमन्त्री द्वय बाबुराम भट्टराई र माधव नेपाललाई सोधपुछ गर्न सर्वोच्चले आदेश दिएको भोलिपल्टै युरोप उडेपछि अध्यक्ष नेपालको आलोचना समेत भएको थियो ।