२८ श्रावण, काठमाडाैँ । प्रहरीको केन्द्रीय अनुसन्धान ब्युरो (सीआईबी)ले नक्कली शैक्षिक प्रमाणपत्र भएको भन्दै पक्राउ गरेका डाक्टर सक्कली भएको पाइएको छ ।

सीआईबीले ‘अपरेसन चार्ली फक्सट्राट’ अन्तर्गत पक्राउ परेकामध्ये महोत्तरी पिपराका रन्जित कुमार यादव सक्कली डाक्टर रहेको पाइएको हो ।

नाम र ठेगाना मिल्दा प्रहरीले यादवलाई पक्राउ गरिएको हुनसक्ने नेपाल मेडिकल काउन्सिलले बताएको छ । यादवको थप विवरण सच्याएर पठाइएको पनि बताइएको छ ।

सीआईबीले २५ श्रावणदेखि चलाएको अपरेशनमा नेपाली कांग्रेसका सांसद सुनील शर्मासहित ८ जना पक्राउ परेका थिए । यद्यपि, सांसद शर्मा भने हिरासतमुक्त भइसकेका छन् ।