२८ श्रावण, काठमाडाैँ । समसामयिक राजनीतिक घटनाक्रमबारे नेकपा (एमाले)ले आफ्नो पार्टीको औपचारिक धारण सार्वजनिक गर्ने भएको छ । पार्टीले आज(आइतबार) दिउँसो १ बजे पत्रकार सम्मेलन आयोजना गरी धारणा सार्वजनिक गर्ने जनाएको छ ।

पार्टी केन्द्रीय कार्यालय च्यासलमा पत्रकार सम्मेलनको आयोजना गरिएको प्रचारप्रसार विभागका सचिव गगन विष्टले जानकारी दिए । वर्तमान समसामयिक राजनीतिक विषयसँगै संसद्को गतिरोध लगायतका विषयमा पार्टीको औपचारिक धारणा सार्वजनिक गर्ने विष्टले बताए ।

आजको पत्रकार सम्मेलनमा एमालेले संसद अवरोध र सुन काण्डबारे समेत धारणा सार्वजनिक गर्ने बताइएको छ।