२६ श्रावण, काठमाडाैँ । नक्कली शैक्षिक प्रमाणपत्र प्रकरणमा डा. पुनम थापा चौधरी पक्राउ परेकी छिन् ।

नक्कली शैक्षिक प्रमाणपत्र बनाउनेविरुद्ध विशेष अपरेशन शुरु गरेको नेपाल प्रहरीको केन्द्रीय अनुसन्धान ब्युरो (सीआईबी) ले उनलाई शुक्रबार पक्राउ गरेको हो ।

उनी सुमेरु सिटी अस्पतालमा कार्यरत छिन् ।  ब्युरोले यसअघि सात जनालाई पक्राउ गरिसकेको छ । चौधरीसहित पक्राउ पर्नेको सङ्ख्या आठ पुगेको हो ।

नक्कली शैक्षिक प्रमाणपत्र प्रकरणमा बिहीबार काठमाडाैँबाट नेपाली कांग्रेसका सांसद सुनिल शर्मा पनि पक्राउ परेका छन् ।