१७ श्रावण, काठमाडाैँ । गैरकानुनी सम्पत्ति आर्जन मुद्दामा उपसचिव हेमराज विष्टले विशेष अदालतबाट सफाइ पाएका छन् । विशेष अदालतले मंगलबार उपसचिव स्तरका विष्टलाई सो मुद्दामा दोषी नहुने फैसला गरेको हो ।

विष्टसँगै नकी श्रीमती रुबी जिसीले पनि सफाइ पाएकी छन्।

अनुसन्धानका क्रममा ३२ ठाउँमा घरजग्गा र करीब आधा अर्ब सम्पत्ति भएको पाइएका विष्टलाई विशेष अदालतकाका अध्यक्ष श्रीकान्त पौडेल तथा सदस्य बलभद्र बास्तोलाको इजलासबाट सफाइको फैसला भएको हो ।

विष्टले अवैध रूपमा आर्जन गर्दै श्रीमतीको नाममा राखेको भन्दै मुद्दा दायर गरिएको थियो ।

सुदूरपश्चिम प्रदेश सरकार, वन निर्देशनालयका निमित्त वन निर्देशक रहेका वेला उनीमाथि मुद्दा दायर गरिएको थियो । २०५५ साल वैशाखदेखि सरकारी सेवा रहेका उनको कात्तिक २०७७ मा सम्पत्ति विवरण छानबिन गर्दा उनले ६ करोड ८७ लाख ५७ हजारको स्रोत खुलाउन सकेका थिएनन् ।

उनिविरूद्ध मुद्दा दायर भएको डेढ वर्षमा विषेश अदालतले फैसला सुनाएको हो । विष्टकी श्रीमतीको नाममा दाङका विभिन्न ३२ स्थानमा घर–जग्गा खरिद गरेको देखिएको थियो ।