१६ श्रावण, काठमाडाैँ । पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणलगायत प्रतिवादीहरू उच्च अदालत पाटन गएका छन् ।

नक्कली भुटानी शरणार्थी प्रकरणमा जेलमा रहेका उनीहरू जिल्ला अदालत काठमाडौंको पुर्पक्षका लागि थुनामा पठाउने आदेशविपरीत निवेदन लिएर उच्च अदालत पाटन पुगेका हुन् ।

आइतबार उच्च अदालतमा खाणसहित १५ जनाको निवेदन दर्ता भएको छ । उनीहरूले आफूहरूलाई साधारण तारेखमा रिहाइको माग राखेका छन् ।

हिजो उनीहरूको निवेदनमा पहिलो सुनुवाइ गर्दै उच्च अदालतले कैफियत प्रतिवेदन माग गरेको जानकारी दिइएको छ ।