११ श्रावण, काठमाडाैँ । कोशी प्रदेशका मुख्यमन्त्री उद्वव थापाको नियुक्ति सर्वोच्च अदातलले खारेज गरेको छ ।

न्यायाधीशहरू ईश्वरप्रसाद खतिवडा, आनन्दमोहन भट्टराई र तिलप्रसाद श्रेष्ठको पूर्ण इजलासले बिहीबार मुख्यमन्त्री थापाको नियुक्ति खारेज गरेको हो ।

सर्वोच्चको उक्त थापाको नियुक्ति खारेज गरेसँगै कोशीमा सत्ता गठबन्धनको सरकार ढलेको छ ।

थापाको नियुक्ति बदर गर्दै सर्वोच्च अदालतले कोशी प्रदेशमा ७ दिनभित्र गठबन्धनको सरकार बनाउन आदेश गरेको छ । बर्खास्तीमा परेका थापाले मुख्यमन्त्री पदमा दाबी गर्दा सभामुख बाबुराम गौतमको समेत समर्थन पेस गरेका कारण उनीविरूद्ध सर्वोच्चमा रिट दर्ता भएको थियो ।