२ असार, काठमाडाैँ । नेकपा एमालेका अध्यक्ष केपी शर्मा ओलीले राजनीतिक यात्राको दाैरान कहिल्यै झुटो नबोलेको बताएका छन् ।

शनिबार एमाले पार्टी कार्यालयमा आयोजित पार्टी प्रवेश कार्यक्रमलाई सम्बोधन गर्दै अध्यक्ष ओलीले ५८ वर्षको राजनीतिक जीवनमा बोलेका कुरा कुनै झुटमा आधारित र झुटो कुरा पुष्टि भए जवाफ दिन तयार रहेको बताएका हुन् ।

उनले भनेका छन्, “लगभग ५८ वर्षको राजनीतिक जीवनमा मैले बोलेका कुरा कुनै झुटमा आधारित र झुटो कुरा रहेछ भने म हरेक कुराको जवाफ दिन तयार छु… मैले कुनै पनि कुरा झुटो बोलेको छैन ।”