२ असार, काठमाडाैँ । राष्ट्रिय स्वतन्त्र पार्टीका सभापति रवि लामिछानेले असार ७ गते ७७ जिल्लामा ७७ पटक घण्टी बजाउन आग्रह गरेका छन् ।

राष्ट्रिय स्वतन्त्र पार्टी एक वर्ष पुगेको अवसरमा उक्त दिन पार्टीले ७७ वटा जिल्लामा दिवस मनाउन लागेको हो ।

सभापति लामिछानेले उक्त दिन साँझ ७ बजे सातै प्रदेश र ७७ जिल्लामा एकसाथ ७७ पटक ‌आफ्नो घरमा, मन्दिरमा, आफू काम गर्ने कार्यालयमा घण्टी बजाउन अनुरोध गरेका छन् ।

समाजिक सञ्जालमा एक भिडियो पोस्ट गर्दै उनले भनेका छन्, ‘ह्यासट्याग बज्यो घण्टी, ह्यासट्याग अब दुईतिहाइ राखेर पोस्ट गर्नुहुन म हार्दिक अनुरोध गर्दछु।’

गत वर्ष असार ७ गते स्थापना भएको राष्ट्रिय स्वतन्त्र पार्टीले २०७९ साल मंसिरमा भएको निर्वचान र २०८० मा भएको उपनिर्चान सहित प्रत्यक्ष र समानुपनतिकमा २१ सिट जितेको छ ।