२८ जेठ, काठमाडाैँ । काठमाडाैँको त्रिभुवन विमानस्थल नजिकै गोली चलेको छ ।

आइतबार दिउसो विमानस्थल नजिकै लागू औषध ओसारपसारमा संलग्न गिरोह पक्राउ गर्ने क्रममा प्रहरीले गोली चलाएको हो ।

प्रहरीले दिएको जानकारी अनुसार लागू औषध नियन्त्रण ब्यूरोबाट खटिएको टोलीले ओसार पसारमा संलग्नको आशंकामा पक्राउ गर्ने क्रममा विकास भगतमाथि गोली चलाएको हो ।

प्रहरीको गोली लागेर उनी घाइते भएका छन् । उनको सिनामंगलस्थित केएमसी अस्पतालमा उपचार भइरहेको जानकारी दिइएको छ ।

पहिले विकासले प्रहरीमाथि गोली चलाएपछि प्रहरीले जवाफी फायरिङ गरेको बताइएको छ।