१३ जेठ, काठमाडाैँ । अधिवक्ता युवराज पाैडेल (सफल)माथि कुटपिट भएको छ । शनिबार काठमाडाैँको बानेश्वरमा उनीमाथि कुटपिट भएको हो ।

प्रहरीले दिएको जानकारी अनुसार विप्लव खड्का र सोम शर्मालगायत समूहले उनीमाथि कुटपिट गरेको हो । उनी स्वतन्त्र नागरिक आन्दोलनले आयोजना गरेको प्रदर्शनमा सहभागी हुन बानेश्वर पुगेका थिए । सोही प्रदर्शनमा सहभागी भएकाहरूले उनीमाथि कुटपिट गरेका हुन् ।

यस घटनामा संलग्न केहीलाई प्रहरीले नियन्त्रणमा लिएर अनुसन्धान सुरू गरेको जानकारी दिइएको छ ।

पछिल्लो समय राष्ट्रिय स्वतन्त्र पार्टीका सभापति रवि लामिछानेविरूद्ध सर्वोच्चमा रिट दर्ता गरेपछि उनी चर्चामा छन् । उनले रवि विरूद्ध दर्ता गरेको रिटको सुनुवाइ जेठ १७ गतेका लागि तोकिएको छ ।