१३ जेठ, एजेन्सी । पोप फ्रान्सिसलाई ज्वरो आएपछि उहाँको निर्देशनअनुसार शुक्रबार बिहानको उनको कार्यतालिका खाली गरिएको भ्याटिकनले पुष्टि गरेको छ ।

भ्याटिकनका प्रवक्ता माटेओ ब्रुनीले पोप फ्रान्सिसलाई स्वास्थ्यमा समस्या देखिएपछि उनि बिहानी कार्यक्रममा उपस्थित हुन नसकेको बताएका छन् ।

बिहानको कार्यक्रममा पोपले कोसँग भेट्ने अपेक्षा गरिएको भन्ने स्पष्ट नबताइकन उहाँको कार्यसूची शुक्रबार सार्वजनिक गरिएको थिएन ।

सास फेर्न गाह्रो भएपछि मार्चको अन्त्यमा फ्रान्सिसलाई रोमको अस्पतालमा भर्ना गरिएको थियो । तर छोटो उपचारपछि उनि नियमित काममा फर्किएका थिए ।

प्रारम्भिक स्वास्थ्य परीक्षणपछि उनको उपचारमा संलग्न चिकित्सकहरूले श्वासप्रश्वासको सङ्क्रमण ‘ब्रोन्काइटिस’ भएको र एन्टिबायोटिक्स दिएर उपचार सुरु गरेको बताएका छन् ।

फ्रान्सिसलाई पछिल्लो एक वर्षमा स्वास्थ्य समस्याहरू बढेपछि जिम्मेवारीलाई लिएर व्यापक चिन्ता उत्पन्न गरेको छ । उनले आजीवन जागिरमा बस्नुको सट्टा सेवानिवृत्त हुन छनौट गर्न सक्ने अनुमानसमेत गरिएका छन् । फ्रान्सिसका पूर्ववर्ती बेनेडिक्ट सोह्रौँले पनि जीवनका पछिल्ला दिनहरूमा यही गरेका थिए ।