९ जेठ, काठमाडाैँ । प्रधानमन्त्री पुष्पकमल दाहाल प्रचण्डले आफुजस्तो प्रधानमन्त्री सितिमिति नभेटिने टिप्पणी गरेका छन् ।

राष्ट्रियसभाको बैठकमा आज प्रश्नहरूको उत्तर दिँदै उनले सरकारको नीति तथा कार्यक्रम जनमुखी भएको बताउँदै यसको विरोध गर्नु पर्ने कारण नै नरहेको बताएका छन् । उनले यस नीति तथा कार्यक्रममा सत्तापक्ष र प्रतिपक्षका मुद्दाहरू समेटिएको बताए ।

प्रधानमन्त्री प्रचण्डले आफुजस्तो सत्तापक्ष र प्रतिपक्षकै समर्थन रहेको प्रधानमन्त्री सितिमिति नभेटिने बताए ।

उनले भने, ‘सत्तापक्ष र प्रतिपक्ष दुबैले समर्थन गरेको प्रधानमन्त्री हुँ म चाँही । यस्तो प्रधानमन्त्री पनि सितिमिति भेटिँदैन । नेपालको इतिहासमा माैलिक भेटिएको छ ।’

उनले आफु शतप्रतिशत समर्थन सहित बनेको प्रधानमन्त्री भएको दाबी  समेत गरेका छन् ।