२९ वैशाख, काठमाडाैँ । शनिबार ठमेल क्षेत्र सफाइ गरिने भएको छ । ठमेल पर्यटन विकास परिषदले ‘हाम्रो ठमेल सफा ठमेल’ भन्ने नारा लिएर ठमेल क्षेत्र सफाइ गर्ने भएको हो ।

उक्त सफाइ कार्यक्रममा बिहान ७ बजेदेखि ८ बजेसम्म सहभागी हुन परिषदले घरधनी र व्यवसायीलाई अनुरोध गरेको छ ।

परिषद्का अध्यक्ष भवीश्वर शर्माले दिएको जानकारी अनुसार ठमेल क्षेत्रलाई सुन्दर, सफा र फोहोररहित बनाउने उद्देश्यसहित सफा गर्न लागिएको हो ।

सफाइ कार्यक्रममा सहभागी हुनका लागि घरबाटै कुचो, झाडु वा सफाइ सामग्री ल्याउन समेत अनुरोध गरिएको छ ।

सफाइ सकिएपछि ८ बजे सञ्चय कोष भवन अगाडि भेला हुन समेत सहभागी सबैलाई अनुरोध गरिएको छ ।