२६ वैशाख, काठमाडाैँ । पूर्वमन्त्री तथा नेकपा एमालेका सचिव टोपबहादुर रायमाझीको निवासमा प्रहरीले खोजतलास गरेको छ ।

मंगलबार जिल्ला प्रहरी परिसर काठमाडौँको टोलीले सातदोबाटोमा रहेको रायमाझीको निवासमा खोजतलास गरेको हो ।

पक्राउ पूर्जी जारी भएपछि फरार भएका रायमाझीलाइ हालसम्म प्रहरीले फेला पार्न सकेको छैन । उनी अर्घाखाँचीबाट काठमाडाैँ जाने भन्दै हिँडेता पनि भैरहवाबाटै फरार भएका थिए ।

नक्कली भुटानी शरणार्थी ठगी प्रकरणमा संलग्न भएको भन्दै काठमाडाैँ जिल्ला अदालतले रायमाझीविरूद्ध पक्राउ पूर्जी जारी गरेको छ ।

रायमाझी उनकै निवासमा पनि फेला नपरेको प्रहरीले जानकारी दिएको छ ।