२३ वैशाख, अमेरिका । अमेरिकामा ट्रकको ठक्करबाट नेपाली महिलाको मृत्यु भएको छ । टेक्सास राज्यमा प्रमिला सुवेदीले चलाएको कारलाई ट्रकले ठक्कर  दिएपछि उनि घाइते भएकी थिइन् ।

उनको अस्पतालमा उपचारका क्रममा मृत्यु भएको बताइएको छ । उनी छोरालाई विश्वविद्यालय पुर्‍याएर फर्किने क्रममा दुर्घटनामा परेकी हुन् । उनी एनआरएन आइसीसीको अमेरिकाका क्षेत्रीय उपसंयोजक रामकुमार सुवेदीकी धर्मपत्नीसमेत हुन् ।

सुवेदी दम्पत्ति दुई दशकदेखि अमेरिकाको टेक्सासमा बसिरहेका थिए । उनीहरुका २ छोरा छन् ।