१८ वैशाख, चितवन । प्रधानमन्त्री पुष्पकमल दाहाल प्रचण्डले महावीर पुनलाई सरकारले सहयोग गरेन भन्नु झुट रहेको बताएका छन् ।

चितवनमा पत्रकारहरूसँग कुराकानी गर्दै प्रचण्डले आगामी बजेटबाट महावीर पुनको मागलाई सम्बोधन गर्ने प्रतिबद्धता व्यक्त गरेता पनि उनी माइतीघरमा धर्ना बसेको दाबी गरे ।

माइतीघरमा बस्नुअघि आफूसँग सकारात्म छलफल भएको प्रधानमन्त्री प्रचण्डले टिप्पणी गरेका छन् ।

त्यस्तै, महावीर पुनले बालुवाटारबाट निस्कने समयमा आफू अनसन बस्न लागेको जानकारी गराएको पनि प्रधानमन्त्री प्रचण्डले बताएका छन् ।

‘हिँड्नेबेलामा म त माइतीघर मण्डलामा बस्छु है, कस्तो हुँदो रहेछ भन्नुभाथ्यो । मैले नै गएर माइतीघरमा बस् भन्न त मिल्दैन । तपाईँ बस्नुभयो भने मलाई सजिलै हुन्छ बजेट बनाउन पनि भनेको थिएँ। करिब करिब मैले बुझ्दा सल्लाहमै बस्नुभएको हो, सल्लाहमै जानुभएको हो । एकदुई दिन बस्नु राम्रै हुन्छ भन्ने थियो । हिजो उपप्रधानमन्त्री गएर कुराकानी गरेपछि करिब करिब टुंगिँदै छ ।’