१७ वैशाख, काठमाडाैँ । काठमाडाैँस्थित वीर अस्पतालमा कर्यरत स्टाफ नर्स बोहराटारमा मृत फेला परेकी छिन् । प्रहरीले दिएको जानकारी अनुसार २९ वर्षीया अनुमा श्रेष्ठ बोहराटारस्थित सुजन ढकालको घरमा मृत फेला परेकी हुन् ।

प्रहरीले दिएको प्रारम्भिक जानकारी अनुसार घटना आत्महत्या जस्तो देखिएता पनि सुक्ष्म अनुसन्धान भने सुरू गरिएको छ । उनको शव झुण्डिएको अवस्थामा फेला परेको प्रहरीले जानकारी दिएको छ ।

मृत अनुमा र सुजनबिच प्रेमसम्बन्ध रहेको  र ढकालको परिवारले विहे गर्न नमान्दा उनले मृत्यु रोजेको जस्तो देखिएको छ । मृतक अनुमाको साथबाट प्रहरीले एउटा नोट पनि बरामद गरेको छ ।

उक्त नोटमा प्रेम सम्बन्धदेखि अन्य धेरै पाटो उल्लेख गरिएको जानकारी दिइएको छ । प्रहरीले घटनाबारे थप अनुसन्धान गरिरहेको जानकारी दिएको छ ।