८ वैशाख, काठमाडाैँ । नेकपा (एकीकृत समाजवादी) का सम्मानित नेता एवं पूर्व प्रधानमन्त्री झलनाथ खनालले नियमित कोदो सेवनले आफ्नो सुगर र प्रेसर कम भएको बताएका छन् । काठमाडौंमा शुक्रबार आयोजित नेशनल नर्सिङ कन्फरेन्सलाई सम्बोधन गर्दै उनले सो कुरा बताएका हुन् ।

कोदो बहुगुणी अन्न भएकाले कोदो खान र उत्पादन गर्न उनले कृषकलाई सुझाव दिए । आफूले पछिल्लो समय कोदोको सेवन नियमित गरेको भन्दै अहिले सुगर र प्रेसर हराएको बताए ।

नेता खनालले कोदोको सेवनले गर्दा आफू अहिले म्याराथनमा दौडिन सक्षम र बलवान भएको दाबी गरे ।